*नवीन जोशी*
चाहीं तुम दिल्ली बंम्बे घुमा भैजी चाही तुम अमेरिका जापान टहला भेजी तैं प्लास्टिक का थैला भैजी आज बल फण्डु फेंका भैजी।
प्लास्टिक थैली कु दुध दही भलु नि भैजी प्लास्टिक का डब्बों कु समान रखणु भलु नि भैजी एक प्रार्थना मेरी भी सुण्लया भैजी गौ घरू मा प्लास्टिक कु थैला घर नी लयोंण भैजी।।
प्लास्टिक थैली गाढ़ गधेरा बगोण नि भैजी डोखरा मलधौंडा दबोण नि भैजी मैरी सही सलाह यैनी छ भैजी तुम प्लास्टिक कु उपयोग न करा भैजी।
प्लास्टिक का थैला, न पक्का मजबुत हौंदा भैजी न बल प्लास्टिक का गिलास कटोरा पर खाणु पेणु भलू भैजी युसीं होदी महामारी भेजी प्लास्टिक का थैला फण्डु फैंका भैजी।।
तियु प्लास्टिक थैलु भलु नि भैजी हिंसर किनगोंडी का भुतगों पर बल फुटी जादु भैजी अबरी कि घड़ी सोचिक ठाना भेजी तियु प्लास्टिक का थैला फाड़ी दिया भैजी।
पैली का लोग भी भला थैं भैजी कपड़ों का कुट्यारा पर अपणु सामान रखदा थैं भैजी गों घरु मा प्लास्टिक थैला जाणदा नि थै भैजी अपणी भलु जीवन जियुदां थैं भैजी।।
प्लास्टिक का गिलास कटोरा थकुला भेजी आज बिटि फण्डु फैकण भेजी चाहे डाऴो का पातों पर खाणु पढिया भैजी तैं प्लास्टिक सी दुर रावा भैजी।
तुमरो घर परिवार कुटुम्ब राजी खुशी रों येनू धूल अर सरकार भी चाणी भेजी राजी खुशी रौण वास्ता पैल करा भेजी तैं प्लास्टिक का थैला फण्डु फैंका भैजी।
